Ədliyyə Sistemində İslahatlar və Problemlər
Prezident İlham Əliyevin rəhbərliyi ilə Ədliyyə Nazirliyində aparılan islahatlar yüksək nəticələrin, diqqətin və operativliyin təminatı kimi qiymətləndirilir. Bu islahatlar nazir postuna yeni təyin olunmuş Fərid Əhmədovun fəaliyyətində də öz əksini tapmışdır. Nazir təyin olunduğu ilk vaxtlardan etibarən Fərid Əhmədov bir çox sahələrdə baş verən özbaşınalıqların dərhal aradan qaldırılmasında çeviklik nümayiş etdirərək, xalq arasında Ədliyyə Nazirliyinin strukturuna inamın yaranmasına böyük təkan vermişdir.
İcra Şöbələrindəki Çatışmazlıqlar
Lakin aparılan bu ciddi işlərə bəzi kiçik məmurların kölgə saldığı müşahidə olunur. Xüsusilə də İcra şöbələrində çalışanların fəaliyyəti tənqid obyektinə çevrilib. Bu idarələrdə çalışanlar vacib məhkəmə qərarlarının icrasını şəxsi maraqlarına qurban verməkdən çəkinmədən qanunsuz əməllərə yol açırlar. Yüz minlərlə manat dövlətə ödənilməli olan vəsaitlərin alınmasında heç bir addım atılmadığı iddia edilir. Qərarlar əllərində olduğu halda, icra olunmalı şəxslər icra məmurları ilə eyni süfrədə əyləncə məclisləri təşkil edirlər. Belə bir halda qərarların icrasını gözləmək qeyri-mümkün görünür. Cinayət törətmiş şəxslərlə əlbir olduqları isə əhalinin dilində əzbərdir. 60 yaşında bir şəxsin illərdir milyonlarla vəsaitin dövlət nəfinə keçməsini təmin etməməsi ilə yanaşı, əlavə müqavilə ilə vəzifəsində qalması, nöqsanların sayının artmasına şərait yaratmışdır. Bildirilir ki, bu şəxsin vəzifədə qalması Fikrət Məmmədovun dövründə təmin edilmişdir. Şəxsin vəzifə səlahiyyətlərinin icrasında avtoritar qaydalar tətbiq etməsi Azərbaycan Respublikasının qanunlarına zidd olduğu kimi, Prezidentin və Fərid Əhmədovun qərarlarına da müxaliflik hesab edilir. İqtidarın apardığı siyasətə kölgə salınmasına, məsələnin müxalifət tərəfindən Avropada dövlətimizin əleyhinə istifadə edilməsinə zəmin yaradan Söhlət Şahverdiyev kimilər bu günə qədər cəzasız qalıb.
Masallı İcra Şöbəsinin Rəisi Söhlət Şahverdiyev Haqqında Şikayətlər
Masallı rayon Məhkəmə Qərarlarının İcra Şöbəsinin rəisi Söhlət Şahverdiyevin qanunsuz əməlləri davam etməkdədir. Bir müddət əvvəl Yaqubova İncibəyim Əziz qızı İcra Şöbəsinin əməkdaşlarını “uşaq oğurluğunda” ittiham etmişdi və bu gün də o iddiasında qalmaqdadır. Lakin iddia olaraq qalan bu məlumat Ədliyyə Nazirliyi tərəfindən Masallıda yerləşən qurumun yoxlanılmamasına səbəb olmuş, bu da şəxsin vəzifədən sui-istifadə hallarına yol verməsinə gətirib çıxarmışdır. Üçüncü sinif şagirdini zorla məcburi qaydada nənəsindən qoparmağa müvəffəq olan Söhlət Şahverdiyev nədənsə azyaşlı uşaqların qərarlarını nəzərə almır. Hətta psixoloqların da dəvət edildiyi görüşdə rəylər lehinə həll edilməli olan tərəf isə zorakılıq və ləyaqətin alçaldılması ilə üzləşir. Söhlət Şahverdiyevin xidməti vəzifəsindən istifadə edərək insanlara qarşı aqressivləşməsi onun psixi durumunda ciddi problemlərin varlığından da xəbər verir.
Azyaşlıların Hüquqlarının Pozulması İttihamları
17.09.2024-cü il tarixində Masallı rayon İcra şöbələrindəki 60 yaşlı rəis Söhlət Şahverdiyev Bahar Cəbiyevanın iki qız övladını qanunun tələblərinə uyğun deyil, şəxsi mülahizələrinə əsasən icra edərək, zorakılıq tətbiq etməklə azyaşlıları istəmədikləri atasında qalmağa məcbur edib. Hadisəni törədən şəxslərin İcra şöbəsindən maneəsiz şəkildə uzaqlaşması isə məhz rəis Söhlət Şahverdiyev tərəfindən təmin olunmuşdur. Bahar Cəbiyevaya hücum çəkən və övladlarını zorla icra şöbəsindən qaçıran Rafət Cəbiyev, anası və məsələyə heç bir qohumluq əlaqəsi olmayan taksi sürücüsü Faiqin də müdaxiləsi ilə baş verib. Ş.Şahverdiyevin şəxslərlə qanunvericiliyin tələblərinə zidd sövdələşməsi məhz icra şöbəsində həyata keçirilib. Zərərçəkən Bahar Cəbiyevanın halına isə Azərbaycan polisi dəstək duraraq onu rayonda qalması və şikayətini rahat şəkildə bildirməsi üçün lazımi şəraitin yaradılmasında müstəsna rol oynamışdır. 102 qaynar xəttinə zəng edərək dövlət qurumunda döyülməsi ilə bağlı şikayətinə polis dərhal reaksiya vermişdir.
Nazirliyə Ünvanlanan Şikayətlər və Gözləntilər
Qeyd edək ki, bir müddətdir ailə münaqişəsinin baş verdiyi Masallı rayonunda ailələrin düşmənə çevrilməsində məhz Ş.Şahverdiyevin müstəsna rolu olduğu qeyd edilir. Söhlət Şahverdiyevlə bağlı Ədliyyə Naziri Fərid Əhmədova Masallı rayon sakini H.Abıyev də rəsmi şikayət etmiş, eyni zamanda nazirin qəbulunda olaraq qanunsuz əməllərini hər bir ayrıntısı ilə nazirə çatdırmışdır.
Mövzu diqqətdə saxlanılacaqdır.
