Müqayis Verdiyevin Mənimsəmə İddiaları və Şərti Cəzaların Sirri
Son dövrlərdə redaksiyamıza daxil olan çoxsaylı məlumatlar və şikayətlər əsasında aparılan araşdırmalar Müqayis Verdiyevin həyatına dair ciddi detalları üzə çıxarmışdır. Məlum olub ki, Müqayis Verdiyev dələduzluq əməllərinə görə bir neçə dəfə məhkum edilmiş və şərti cəza almışdır. Lakin o, əməlindən heç vaxt islah olunmamış, nəticədə dəfələrlə yenidən həbs edilmişdir. Təəssüf ki, bu şəxsin cinayət əməlləri ilə bağlı lazımi nəticələr hələ də əldə olunmur və bu da cəmiyyətin haqlı narazılığına səbəb olur.
“Nar Mobil”dəki Vəzifə və Saxta Güvən İcrası
Daha əvvəlki yazılarımızda qeyd etdiyimiz kimi, Müqayis Verdiyevin oğlu Anar Verdiyev “Nar mobil” operator şirkətində mühüm vəzifəyə 150 min manat qarşılığında təyin olunmuşdur. Anar Verdiyev bu vəzifəsindən istifadə edərək ətrafına öz iqtisadi təsirini artırmış və hər kəsin gözündə “güvənilir” bir şəxs imici yaratmağa cəhd etmişdir.
Abu Dabi Avtosalonu və Müəmmalı Bağlantılar
Abu Dabi Avtosalonu ilə bağlı daha çox məlumat ortaya çıxır. Şikayətçilərin verdiyi məlumata görə, Müqayis Verdiyev avtomobil satışlarında zərərçəkən şəxslərlə razılaşmalar imzalamış, lakin ödənişləri yerinə yetirməmişdir. Aparılan araşdırmalar nəticəsində, Verdiyevin Abu Dabi Avtosalonuna şərik olduğu və bu salonların açılışının onun etdiyi qanunsuz işlərlə üst-üstə düşdüyü məlum olmuşdur. Salonun açılış tarixləri və bu müəssisənin arxasında duran şəxslərin kimlikləri daha da müəmmalıdır. Məlumata əsasən, salonlar Verdiyevin yaxın ətrafı tərəfindən idarə olunur və burada əldə edilən gəlirlər ölkədəki müxalifət qüvvələrinə, xüsusən də Əli Kərimlinin partiyasına yönləndirilir. Həmçinin, “Salam Avto” adlı avtosalonun da açılaraq Zeyqəmin guya bu salonu işlətməsi qeyd edilərək, ən böyük biznesini qanunsuz fəaliyyətlərindən uzaq tutma planını həyata keçirdiyi vurğulanır.
Hakimlərlə Əlaqələr və Rüşvət Şübhələri
Müqayis Verdiyevin hakimlər və digər dövlət orqanları ilə əlaqələri cəmiyyətin diqqətini daha da cəlb edir. Məlum olub ki, Müqayis Verdiyev cəza almadan əvvəl, yaxın zamanlarda azadlığa buraxılacağına dair xəbərlər vermişdir. Onun yaxınlarına bildirdiyi məlumatlarda qeyd edilib ki, hakimlə razılıq əldə edilib və 120 min manat qarşılığında hakim xəstəliyini əsas götürməklə şərti cəza təyin edərək təcridxanadan azad edilməsini təmin edəcəkdir. Bu sözlər Müqayis Verdiyevin yaxınlarına çatdırdığı ifadələrdir. Bu vəziyyət hakimlərin qanunları necə təfsir etdiyi və rüşvətlə bağlı şübhələri artırır.
Azadlığa Çıxma İddiaları və Cəmiyyətin Sualları
Hazırda Müqayis Verdiyevin Gəncə şəhər Təcridxanasında olduğu bildirilsə də, son dövrlərdə verilən məlumatlara əsasən, o, qısa müddətdə azadlığa buraxılacağını düşünür. Bu isə cəmiyyətin haqlı suallarına səbəb olur: “Belə bir şəxsin azadlığa buraxılması nə dərəcədə qanunidir və onun azadlığa buraxılmasında hansı faktlar rol oynayır?”
Hüquq Sisteminin Sınağı
Qeyd edək ki, Gəncə şəhər Ağır Cinayətlər Məhkəməsinin sədri Natiq Əliyev Mürsəl oğludur. Onun vəzifəyə təyin edilməsindən sonra qanunsuz qəbul edilən qərarlara qarşı sərt yanaşması ilə yaddaşlarda qalıb. Lakin Müqayis Verdiyevin Cinayət Məcəlləsinin 178-ci maddəsi ilə insanlara 1 milyondan artıq zərər vurmuş bir şəxsin hansı şərtlər altında azadlığa buraxılacağı sual altındadır. Bu, cəmiyyət üçün sual olaraq qalsa da, Müqayis Verdiyev üçün artıq razılaşdırılmış kimi qəbul edilən səbəb olaraq xəstəliyi əsas götürülməklə işinin həlli istiqamətində razılığın alındığı bildirilir. Bu iddialar Müqayis Verdiyevin yaxınlarına verdiyi şad xəbərin təfərrüatlarıdır.
Müqayis Verdiyevin azadlığa buraxılması məsələsi, yalnız onun şəxsi həyatını deyil, həm də hüquq sisteminin nə dərəcədə şəffaf və ədalətli işlədiyini göstərən vacib bir testdir. Hüquq mühafizə orqanlarının və məhkəmələrin bu kimi şəxslərə necə yanaşacağı, gələcəkdə ölkədəki hüquq müstəvisindəki islahatların uğurunu müəyyən edəcəkdir.
Ali Məhkəməyə Çağırış
Cəmiyyətin bu şəxs tərəfindən aldadılan və zərərləri ödənilməyən fərdləri sual edir: Ali Məhkəmənin sədri cənab İnam Kərimov, Müqayis Verdiyevi hansı hakim hansı qanun boşluğundan şəxsi mənfəətinin təmin edilməsi məqsədi ilə azadlığa buraxacaq? Fərz edilir ki, Ali Məhkəmənin səlahiyyətli şəxsləri bu vətəndaşın suallarına cavab verəcəkdir.
Nəzarət və Maarifləndirmə
Redaksiya olaraq, mövzuya dair daha çox məlumat əldə etməyə çalışacaq və cəmiyyətin bu məsələyə dair fikirlərini daha geniş işıqlandıracağıq. Belə bir şəxsə verilən hüquqi reaksiyalar və hüquq mühafizə orqanlarının fəaliyyətləri hər kəsin diqqətini cəlb etməkdədir. Bu yazı ilə həmçinin dövlətin, ali məhkəmə qurumlarının diqqətini bu mövzuya yönəltmək və hüququn aliliyini təmin etmək məqsədini güdürük.
Bizi izləyin və bu mövzuya dair yeniliklərdən xəbərdar olun.
